Орусия Кыргызстандын түштүгүнө авиабаза куруусу мүмкүн - Т-медиа

Орусия Кыргызстандын түштүгүнө авиабаза куруусу мүмкүн

Бул тууралуу бүгүн, 20-июнда Орусиянын Мамлекеттик Думанысынын депутаты Виктор Заварзин Бишкекте өткөн кыргыз-орус аскердик кызматташтык маселелерин талкуулаган жыйында маалымдады. Кеп Канттагы авиабаза тууралуу болууда. Орусия аны кеңейтип, келечекте Кыргызстандын түштүк аймагын да камтышы мүмкүн.

«Канттагы база ошол жерде база болушу үчүн эле эмес, аймактагы коопсуздук үчүн турат. База уникалдуу жерде жайгашкан. Ал Жамааттык Коопсуздук Келишим Уюмунун (ЖККУ) жана эки тараптуу кыргыз-орус кызматташтыгынын алкагында иш алып барып, стратегиялык милдетти өтөп жатат. Биз бул базанын компоненттерин күчтөндүрүп, кеңейткибиз келет, ал түштүктү камтымакчы», — деди Заварзин.

Орусиянын дагы бир базасын ачуу маселеси акыркы он жылдан бериталкууланып келатат. Мурдагы премьер-министр Сапар Исаков былтыр Москвадагы иш сапарында орусиялык маалымат каражаттарына «жалпы аймактын коопсуздугу үчүн кыргыз-тажик чек арасында аскердик база болушу керек» деген пикирин билдирген болчу. Айрым адистер «бул маселе боюнча коомчулуктун, адистердин кеп-кеңеши керек» деген пикирин айтышкан.

Орусиянын Канттагы аскер-аба базасы 2003-жылы ачылган. Орусиянын төрт аскердик объектиси былтыр ага кошулуп, расмий бириккен аскер базасы деген макам ыйгарылган.

Автор жөнүндө

Тектеш материалдар

Пикир калтыруу

avatar
  Жазылуу  
Кабарлоо