“Эгизбаев киши колдуу болду” деген көрсөтмө жок болгондуктан иш козголо элек

Иликтөөчү журналист Уланбек Эгизбаевдин өлүмүнүн себептерин иликтөө бир айга узартылды. Бул тууралуу ИИМдин тергөөчүсү Сүйүнбек Мунайтбасов билдирди:

— Улан Эгизбаев чөгүп кеткен окуя Ысык-Көл районунда кылмыш каттоо китебине катталып, иликтөө иши жүрүп жатат. Негизи жазык-процессуалдык кодексте көрсөткөндөй кылмыш боюнча үч же 10 күндүн ичинде чечим кабыл алынышы керек. Эгер бул аралыкта чечим кабыл алынбаса, прокурордун макулдугу менен бир айга узартылат. Бул факты боюнча дайындалган экспертизанын корутундулары даяр боло элек, берилген тапшырмалар боюнча жооптор келе элек. Ошондой эле иликтөө толук объективдүү болушу үчүн Ысык-Көл райондук прокуратурасы аны бир айга узартты.

Сүйүнбек Мунайтбасовдун айтымында, “Эгизбаев киши колдуу болду” деген көрсөтмө жок болгондуктан иш козголо элек. Бирок ал эс алган пансионатта коопсуздук чаралары алдын-ала көрүлбөгөнү айтылды.

— Кырсык боюнча иш козголбойт. Эгер киши колдуу болуп, денесинде күч колдонуунун белгилери болсо козголмок.

Белгилей кетсек,  «Азаттыктын» иликтөөчү журналисти Уланбек Эгизбаев 22-июлда 28 жаш курагында каза болгон. Милиция ал Ысык-Көлдө сууга чөгүп кеткенин билдирген. Эгизбаевдин өлүмүнүн себептерин иликтеген соттук-медициналык экспертизанын акыркы толук жыйынтыгы бир ай ичинде чыгышы керек.

Автор жөнүндө

Тектеш материалдар

Пикир калтыруу

avatar
  Жазылуу  
Кабарлоо