Ошто таза суу берилди. Азырынча толук эмес



Ош шаарына ичүүчү суу бүгүн таңкы саат 6:20да коё берилди.  Түшкү саат 1-2де толук жеткиликтүү болот. Бул тууралуу «Т-Медиага» Ош шаардык суу чарба башкармалыгынын башчысынын орун басары Талантбек Байкишиев билдирди.

«Ак-Буура дарыясындагы ылайка толугу менен тазаланып бүттү. Негизи таза сууну кечээ 17:00до берилет деп пландаган элек. Бирок Ак-Буура дарыясындагы  6000  мг/литрден ашкан ылайканы тазалоого биз ойлогондон көп убакыт кетти»,-деди Байкишиев. 

Эске салсак, 13-августта Курманжан-Датка, Манас-Ата аймактык кеңештери жана Достук, калинин массивдеринен башка аймактарга таза суу берүү таңкы саат 5те токтотулган. Эскертүүсүз өчүрүүгө Папанда жүргөн сел себеп болгон.


Автор жөнүндө

Тектеш материалдар

Пикир калтыруу

avatar
  Жазылуу  
Кабарлоо