Үрүмчүдөн келген 40 кыргызстандык студент карантинден чыкты - Т-медиа

Үрүмчүдөн келген 40 кыргызстандык студент карантинден чыкты

Кытайдын Үрүмчү шаарынан эки жума мурда келген 40 кыргызстандык студент 14 күндүк карантин аяктаганына байланыштуу үйгө чыгарылды. Бул тууралуу  Саламаттык сактоо министрлиги кабарлады.

Мекеменин маалыматына караганда, баарынын абалы канааттандырарлык. Алар 13-февралда кыргыз-казак чек арасындагы «Ак-Жол» өткөрмө бекетинен тиешелүү текшерүүдөн өткөндөн кийин убактылуу обсервация жайларына жайгаштырылган.

«Коронавирустун жаңы түрүнө эки жолу анализ алынып, оору тастыкталган жок. Карантин мезгилинде алар менен медициналык кызматкерлер гана байланышта болду», -деп айтылат министрликтин маалыматында.

Кытайдан тышкары 35 өлкөдө катталган коронавирус дээрлик 78 миң адамга жукту, алардын көбү кытайлыктар. 2715 адам каза болду, 30 миңдейи айыгып чыкты.

Автор жөнүндө

Тектеш материалдар

Пикир калтыруу

avatar
  Жазылуу  
Кабарлоо