Өзгөндө 13 жашар бала сууга чөктү. Издөө иштери уланууда

Өзгөн районундагы Кемпир-Абад суу сактагычында 13 жашар бала чөгүп кетти. Кырсык кечээ, 5-августта катталган. Азырынча баланын денеси табыла элек. Бул тууралуу өзгөчө кырдаалдар министрлигинин басма сөз кызматы кабарлады.

2005-жылы туулган Б. Д. аттуу баланы издөө иштери бүгүн да улантылат. Издөө иштерине ӨКМнин №53 Өрт-куткаруу бөлүмүнөн куткаруучулар тартылмакчы.

Эске салсак, Өзгөн районунда сууга чөгүү боюнча акыркы учур 30-июлда катталган. Көлдүк айылынын Абдырайым-Бий көчөсүндөгү каналда 2014-жылы туулган бала сууга чөгүп кеткен.

Кыргызстанда жыл башынан бери 70 адам адам сууга чөккөн. Анын 20сын өспүрүмдөр түзөт. Расмий маалымат боюнча, былтыр өлкө аймагында 105 адам сууга чөгүп кеткен.

Т-медиа
Автор Т-медиа 3454 статьи

Пикир калтыруу

avatar
  Жазылуу  
Кабарлоо