Эртең эгемендүүлүк майрамы белгиленет. Ошто кандай өтөт?

Көз карандысыздыктын 27 жылдыгы Ош шаарында бир катар майрамдык иш чаралар менен белгиленет. Театрлаштырылган оюн-зооктордон сырткары улуттук спорт оюндары боюнча мелдештер өтеөрүлмөкчү. 

Майрамдык иш-чаралардын тизмеси:

Эгемендүүлүккө арналган салтанаттын негизги бөлүгү саат 10:00до Ош шаарынын борбордук аянтында өтөт. Сахналаштырылган оюн-зооктор шаардык маданият башкармалыгы жана театр кызматкерлери тарабынан көрсөтүлөт.

Салтанаттын расмий бөлүгү жыйынтыкталаары менен майрамдык жарманке уюштурулат. Иш чара 11:30дан баштап С.Ибраимов атындагы Ош улуттук драма театрынын алдындагы аянтта өтөт. Ага улай эс алуучулар үчүн улуттук спорт оюндары боюнча мелдеш болот.

Саат 12:00дон баштап «Алымбек-Датка» этно-комплексинде «Жапалак аймактык башкармалыгы уюштурган «Ааламга жол айылдан башталат» аттуу фестиваль өткөрүлөт. Анда айыл-чарба жарманкеси, «Боорсок» фестивалы, «Сармерден» кыз-жигит оюну уюштурулат.

Эгемендүүлүктүн 27 жылдыгына арналган гала концерт кечкисин 19:00до  борбордук аянтта тартууланат.

Быйыл Ош шаары эгемендүүлүк майрамын жылдагыдан өзгөчө белгилөөдө. Көз карандысындыкка арналган иш чаралар август айынын ар ишемби күндөрү өткөрүлүп жатат.

Т-медиа
Автор Т-медиа 3485 статей

Пикир калтыруу

avatar
  Жазылуу  
Кабарлоо