Ысык-Көлдүн Каракол шаарындагы “Ак-Тилек” базарынын 836 чарчы метри күйүп кетти. Бул туурасында өзгөчө кырдаалдар министрлигинин басма сөз кызматы билдирди.
Министрликтин маалыматына караганда, 8 контейнердеги кийим-кече жана азык-түлүк товарлары өрттөнгөн. Азыр келтирилген материалдык зыян жана өрттүн келип чыгуу себептери такталып жатат.
17-сентябрда саат 22:35те Каракол шаарындагы Карл Маркс жана Д.Дербишев көчөлөрүнүн кесилишинде жайгашкан “Ак-Тилек” базарында контейнерден өрт чыккан. Тартылган күчтөрдүн жардамында өрт саат 02:10до толук өчүрүлгөн.
Оставьте первый комментарий