Бишкек: 5 млн евролук троллейбусттар насыяга алынды. Фото

Борбор калаага 52 троллейбус алынып келинди. Анын 37си Орусиядан алынса, калган 15и  Беларусь Республикасынан сатып алынган. 

Жаңы троллейбустар Европалык реконструкция жана ѳнүктүрүү банкынан насыялоо шарттары боюнча алынган. Кредиттик жана гранттык каражаттын жалпы суммасы 7,9 миллион еврону түзөт. Анын ичинен 5,0 миллион евро кредит жана 2,9 миллион евросу гранттык эсепте.

Жаңы 52 троллейбустун презентациясы 26-сентябрда Бишкек мэри Азиз Суракматовдун катышуусунда өткөрүлдү. Ѳзүнүн сѳзүндѳ калаа башчысы башкармалыктын жамаатын жаңы троллейбустардын алынып келиши менен куттуктады.

“Урматтуу катышуучулар! Биз шаардык транспортту ѳнүктүрүү менен троллейбустарды кѳбѳйтүүнү уланта беребиз. Калаада кѳп орундуу транспортту кѳбѳйтүшүбүз керек. Биз азыркы учурда Европалык реконструкция жана ѳнүктүрүү банкы менен коомдук транспортту ѳнүктүрүү стратегиясын иштеп чыгалы деп жатабыз”,-деди калаа башчысы.

Биринчи фаза долбоорун улантуу максатында, 2015-жылдын 30-ноябрында Европалык реконструкция жана өнүктүрүү банкы жана Кыргыз Республикасынын Финансы министрлиги арасында экинчи Кредиттик келишимге жана Европалык реконструкция жана өнүктүрүү банкы жана Бишкек шаарынын мэриясы, Бишкек троллейбус башкармалыгы арасында Гранттык келишимге кол коюлган.

Учурда борбор калаада 42 бирдик каттап жатат, ал эми 10 жаңы троллейбус эксплуатацияга берилет. Жалпысынан Бишкек троллейбус башкармалыгынын базасында жаңы троллейбустарды кошкондо 169 бирдик коомдук унаа бар.

0

0