Оштун Ноокатында биринчи жолу чек ара тозоту ачылды. Фото

Кыргызстан менен Өзбекстан чектешкен жеринде  «Улуу Тоо»чек ара заставасы ачылды.  Буга чейин Ноокаттын Таш-Булак айылын аскерлер келип-кетип көзөмөлдөп турушкан. 

Аталган аймакта буга чейин мал уурулук күч алган, жергиликтүүлөрдүн мал-жандыктары Өзбекстан тарапка өтүп кетип көйгөй жаратчу. Эми ал маселеге чекит коюлганын мамлекеттик куралдуу күчтөрүнүн генералдык штабынын башчысы Райымберди Дүйшөнбиев билдирди.

-» Ноокат районунун аймагында бир эле чек-ара заставасы болот. Бул жерде баарыңыздарга белгилүү буга чейин тургундардын малы Өзбекстанга өтүп, алардын малы биз жака өтүп кетип көйгөйлөр жаралчу. Ушул жерге Улуу-Тоо заставасы коёлду. Андай көйгөйлөр эми жок болот»,-деди Райымберди Дүйшөнбиев

Дүйшөнбиев кошумчалагандай, Кыргызстанда бардык чек ара заставасын Орусия мамлекетинин жардамы менен курулууда.

Эскерте кетсек, Жылдын аягына чейин жети чек ара заставасы ачылмакчы.

Пайзидин уулу Ажибай
Автор Пайзидин уулу Ажибай 1441 статья

Пикир калтыруу

avatar
  Жазылуу  
Кабарлоо