Кызыл-Кыя аэропорту үлүшкө берилүү коркунучунда турат

Баткендин Кызыл-Кыя шаарындагы аэропорт жайгашкан жер үлүшкө берилип кетиши ыктымал. Аба майдандын аянтына турак-үйлөр курулуп кетүү коркунучунда турат. 

Бул тууралуу парламент комитетинин Кызыл-Кыя шаарындагы көчмө жыйынында белгилүү болду. Депутат Махабат Мавлянова белгилегендей,  аба майдандын жери үлүшкө айланып, турак-үйлөр түшүү коркунучу бар.

«Дээрлик 20 жылдан бери учак учпай, аба майданынын бүгүнкү абалы өтө оор. Аэропорт бүгүн-эртең иштебесе да 44 гектардан турган жери сакталышы керек»,- деди депутат Алмазбек Эргешов.

Үч багыт менен жүргүнчүлөрдү тейлеген аэропорт 1974-жылы ишке кирип, 1999-жылдан бери ишмердүүлүгү токтогон. Калыбына келтирүүгө 400 миллион сом керектелээри кабарланган.

Аэропортту Кызыл-Кыядан тышкары Ноокат, Баткен, Лейлек райондорунун тургундары жана Өзбекстандын жакынкы облустарынын эли пайдаланып келишчү. Ушул тапта эл 100 чакырымдай алыстыктагы «Ош» аэропортуна барып учушат.

Т-медиа
Автор Т-медиа 10429 статей

Пикир калтыруу

avatar
  Жазылуу  
Кабарлоо