Жасур Азимов Ош шаарынын вице-мэри болуп дайындалды. Эми ал курулуш жана муниципалдык менчик тармагын жетектейт.
Тиешелүү буйрукка калаа башчы Таалайбек Сарыбашов 17-октябрда кол койгон. Бул тууралуу Ош мэриясынын маалымат кызматы билдирди.
Жасур Азимов Ош шаардык Кеңешинде «Республика-Ата-Журт» фракциясынан депутат болуп турган. Буга катар эле Ош шаарындагы кыргыз-өзбек университетинде окутуучу болуп иштеп келген.
Жаңы дайындалган вице-мэр «Т-Меdia Groupтун» сурамжылоосунда болжолдуу талапкерлер арасында эң төмөн добуш алган болчу.
Октябрдын башында Шакир Зулимов вице-мэрликтен өз арызы менен кеткен. Ош мэриясынын маалымат кызматы жаңы вице-мэр 20-октябрга чейин дайындаларын билдирген эле.
Оставьте первый комментарий