Алайда айдоочу кырсыктан каза болду

Автоунаасын башкара албай 56 жаштагы  Ш.К аттуу айдоочу каза тапты. Окуя 28-октябрдын түндөсү Алай районунун Кыркол айылында болгон.

Бул тууралуу Ош облустук жол кыймылынын коопсуздугун камсыздоо бөлүгүнүн үгүт-насаат боюнча кызматтын башчысы Алтынбек Теңгизбаев билдирди.

-Айдоочу Сары-Таш багытынан Гүлчө аймагына келе жаткан. Ал «Honda stream» үлгүсүндөгү унаасы менен бийиктиги 35-40 метрдей жардан кулап түшкөн,- деп кабарлады ал.

Айдоочу алган жаракаттан улам окуя болгон жерде каза болгон. Маркум Алай районунун Гүлчө айылынын тургуну. Учурда кырсыктын келип чыгуу кесепеттерин иликтөө иштери жүрүүдө.

Арген Нуров
Автор Арген Нуров 139 статей

Пикир калтыруу

avatar
  Жазылуу  
Кабарлоо