Ош облустук оорукананын жетекчилигине Талантбек Арcтанкулов дайындалды

Ош облустук оорукананын жетекчиси болуп Талантбек Арcтанкулов дайындалды. Бул тууралуу облустук саламаттыкты сактоонун координаторунун орун басары Адыл Алимкулов билдирди.

Маалыматка ылайык, Арстанкулов министрликтин чечими менен бүгүн, 15-ноябрда дайындалган.  Ал буга чейин Улуттук госпиталдын башкы дарыгеринин орун басары болуп эмгектенген. Жамаатка жаңы жетекчини министрликтин статс-катчысы Калысбек Шадыханов тааныштырды.

Эске салсак, оорукананын мурунку жетекчиси Шайырбек Сулайманов 2009-жылдан бери башкы дарыгер болуп эмгектенип келген.

Ош облустук бириктирилген клиникалык ооруканасына ушул жылы 133 жыл толду. Тарыхы 1885-жылдан башталган оорукана Ош шаарында Россия падышасынын армиясына медициналык кызмат көрсөтүү үчүн 15 орун менен ачылган.

1970-жылы Ош көп тармактуу ооруканасын куруу чечими чыгарылып, анын курулушу 1985-жылы аяктаган.

Пайзидин уулу Ажибай
Автор Пайзидин уулу Ажибай 1442 статьи

Пикир калтыруу

avatar
  Жазылуу  
Кабарлоо