Дүйнөлүк банктын жетекчиси кызматтан кетет

Jim Yong Kim speaks at TED2017 - The Future You, April 24-28, 2017, Vancouver, BC, Canada. Photo: Bret Hartman / TED

Дүйнөлүк банктын жетекчиси Джим Ён Ким 1-февралда кызматтан кетет. Бул маалымат аталган банктын расмий сайтында жарыяланган.

Джим Ён Ким бул кызматта иштөө чоң жоопкерчиликти талап кылганын билдирген. Бирок эмне себептен кызматтан кетип жатканын айткан эмес.

«Дүйнөдөгү каатчылык, климаттын өзгөрүшү, качкындардын көбөйгөн убагында дүйнөлүк банктын жетекчиси болуп иштөө чоң мааниге ээ. Дүйнөлүк банктын жетекчиси болуп иштеп чоң кыйынчылыктарга карабай муктаждарга жардам бердик, мен бул үчүн сыймыктанам»,-деп билдирген Джим Ён Ким.

Джим Ён Ким бул кызматтан кеткенден кийин башка компанияда өнүгүп келе жаткан өлкөлөргө инвестиция тартуу боюнча иш алып бара турганын билдирген.

Корей улутундагы Джим Ён Ким бул кызматка 2012-жылдын июль айында келген. Ал 2017-жылы экинчи жолу жетекчи болуп шайланган болчу.

Пайзидин уулу Ажибай
Автор Пайзидин уулу Ажибай 1501 статья

Пикир калтыруу

avatar
  Жазылуу  
Кабарлоо