Кыргызстандын “Билим берүү жөнүндөгү” мыйзамына өзгөртүүлөр сунушталууда. Эгер колдоо тапса 9-класстан кийин окубай койгондорго чара көрүлө баштайт.
Сунушталган мыйзам долбоор 11 жылдык билимди милдеттендирбейт. Мектепти 9 – класстан кийин улантпай калган улан – кыздарды милдеттүү түрдө кесиптик – техникалык окуу жайларында окутуу зарылчылыгы белгиленген. Демилгечиси Жогорку Кеңештин депутаты Канатбек Исаев.
«9 – класстан кийин 9754 бала орто билим алууну улантпай, кесиптик – техникалык адистикке ээ болууга да жол таппай, көчө өспүрүмдөрүнө айланганын статистикалык эсептер ачыктоодо. Жылдан – жылга бул көрсөткүчтүн өсүп жаткандыгы да өкүнүчтүү. Ошондуктан, мындай абалды ооздуктоо максатында “ Билим берүү жөнүндөгү” мыйзамына өзгөртүүлөр сунушталууда»,- деди Канатбек Исаев.
Эгер мыйзамга өзгөрүү киргизилсе кесиптик-техникалык окуу жайлардын базасын жакшыртуу иштерине да көңүл бурулат. Эл өкүлү ошондой эле билимдин сапатын талап кылаардан мурда, мугалимдердин эмгегин баалоону жогорулатуу керектигин белгиледи.
Оставьте первый комментарий