Ош шаарынын бюджети 187 млн сомго көбөйдү

Бул тууралуу Ош шаарынын мэриясынын каржы, экономика жана инвестиция бөлүмүнүн жетекчиси Талантбек Кайымов  «T-Media» сайтынын  «Адил сөз» программасында билдирди. 

Анын айтымында өткөн 2018-жылы Ош шаарынын казынасы 945 млн сом болгон. Быйыл 1 млрд 127 млн сомго жетти. Шаар бюджети өткөн жылга караганда 20%га өскөн. Булардын 87 %ы салык кирешелеринен түшкөн жана быйылкы жылы кирешеден түшкөн салыктын  70%ы шаар казынасына калган.

Быйылкы жылдагы шаардагы чыгаша бөлүктөрү дээрлик өзгөргөн жок. Алдын ала божомол боюнча 42 %ы социалдык тармактарга, 33%ы турак жай жана коммуналдык чарбага, 15, 6 %ы мамлекеттик кызматтарга, 9% ы экономика тармагына жана 0,6 %ы коргонуу тармагына жумшалат.

Шаар бийлиги быйыл курулуш жана өнүгүү тармагына көбүрөөк каражат бөлөт. Анын суммасы 208 млн сом болуп, жолдорду асфальттоого жана социалдык обьектилердин курулушуна сарпталат.

 

Арген Нуров
Автор Арген Нуров 139 статей

Пикир калтыруу

avatar
  Жазылуу  
Кабарлоо