Кыргызcтандын чек арасынан мыйзамсыз өтүүгө аракет кылган Нигериянын жарандары аныкталды.
Улуттук коопсуздук мамлекеттик комитетинин маалымат кызматынан билдиргендей, 6-февралда «Манас» эл аралык аэропортунда Кыргызстандын жасалма электрондук визасын колдонуп, чек арадан өтүүгө аракет кылган эки жаран кармалды. Алар нигериялык 1979-жылы туулган Икене Анайо жана 1997-жылы туулган Карим Ахмед Оламилекан аныкталган.
Текшерүү учурунда кармалган жарандар колдонгон Кыргызстандын электрондук визасы жараксыз экендиги аныкталган. Иликтөө иштеринин жыйынтыгында алар өз мекенине кайтарылган.
Учурда тышкы мигранттарды каттонун бирдиктүү системасынын 2-этабын ишке киргизүү пландаштырылууда. Бул система тышкы миграцияны натыйжалуу көзөмөлдөөгө, өлкөдөгү миграциялык кырдаалды анализ кылууга мүмкүнчүлүк берет.
Оставьте первый комментарий