Жыл сайын ар бир райондун борборунда 3 чакырым жолго асфальт төшөлөт. Бул тууралуу президент Сооронбай Жээнбеков бүгүн, 21-февралда Жалал-Абад облусунун Сузак районунун жашоочулары менен болгон жолугушуусунда билдирди.
Мамлекет башчынын белгилешинче, ички жолдорго өзгөчө көңүл бурулууда. Ар бир район борборлорунда жыл сайын 3 км кем эмес жолдорун асфальттоо боюнча маселеси бар.
«Транзиттик мамлекет болууга аракет кылып жатабыз. Мурунку башталган иштердин баары уланууда. 2018-жылы бул багытта иш солгундады. Быйыл бул маселе өкмөттүн өзгөчө көзөмөлүндө болот”, — деп белгиледи Президент Сооронбай Жээнбеков.
Өлчө башчысы кошумчалагандай, «Бишкек-Ош»,«Кара-Балта-Бишкек» жана «Маданият-Жалал-Абад» жолдорун ремонттоо иштери жүргүзүлүп жатат. Баары ырааты менен бүткөрүлөт.
Кыргызстанда элетке барчу жолдордун дээрлик көпчүлүгүнүн абалы начар. Айрымдары СССР мезгилинде асфальтталган боюнча такыр оңдоодон өтө элек.
Оставьте первый комментарий