Бишкек-Ош унаа жолунда 2,5 килограмм салмактагы «гашиш» баңгизаты менен бир жаран кармалды. Бул тууралуу ички иштер министрлигинин сөз кызматы билдирди.
Маалыматка ылайык, Бишкек-Ош унаа жолунда ыкчам иликтөө иштерин жүргүзүү учурунда “Чычкан” стационардык постунан “Тайота” үлгүсүндөгү автоунаа текшерилип, ичинен маңзат табылган.
«-Унааны Жалал-Абад облусунун 40 жаштагы тургуну башкарып бара жаткан. Автоунаанын ичин текшерүүгө алган учурда 190 даана ширеңке кутучасындай даярдалган 2 килограмм 460 грамм салмактагы “гашиш” баңги каражаты табылган»,- деп айтылат ИИМдин маалыматында.
Учурда аталган факты боюнча сотко чейинки иликтөө иштери бшталды. Жогорудагы кылмыш ишине тиешеси барларды аныктоо иштери да жүргүзүлүүдө.
Оставьте первый комментарий