Ош облусунун аймагында очогунда күчү 3,5 баллга жеткен жер титирөө катталды. Бул тууралуу өзгөчө кырдаалдар министрлигинин маалымат кызматы кабарлады.
Кыргызстандын сейсмология институтунун маалыматына ылайык, жер титирөө 27-майга караган түнү болжол менен түнкү саат 00:33тө катталган.
Жер титирөө Алай районунун Нура, Икизяк айылдарында 3 баллга чейин, Кара-Киндик, Бор-Дөбө айылдарында 2,5 баллга чейин сезилген. Жер титирөөдөн жабыркагандар жана кыйроолор катталган эмес.
Эскерте кетсек, 26-майда да Ош облусунун аймагында күчү 3 баллга жеткен жер титирөө катталган болчу.
Оставьте первый комментарий