Бул тууралуу Ош шаардык ички иштер башкармалыгынан билдиришти. Милиция кызматкерлери Ош шаарында айт намаздары окула турган мечиттерге бөлүнүштү.
Милиция кызматкерлери эртеӊ 5-июнь айт намаз учурунда коомдук коопсуздукту сакташып, кызмат өтөшмөкчү. Андан соӊ шаардын аймагындагы массалык маданий иш чаралары өтүүчү жайлардагы коомдук тартипке көз салып турушат.
«-Бүгүн 4-июнда Ош ШИИБнын жетекчилиги тарабынан кызматкерлерге кошумча көрсөтмөлөр берилип, тапшырмалар коюлду. Биринчи кезекте кызмат өтөө учурунда жарандарга сылык мамиле жасоо, кандайдыр бир тартипти жана мыйзамдуулукту бузууга аракеттер болсо-кескин түрдө бөгөт коюу эскертилди,-«деп айтылат маалыматта.
Эске салсак, КРнын муфтияты быйыл борбордук аянттарда эмес, мечиттерде айт намазы окула турганын жарыялаган.
Оставьте первый комментарий