Эл аралык террордук уюмдун мүчөсү катары издөөдө жүргөн Жалал-Абад облусунун 24 жаштагы тургуну кармалды.
Улуттук мамлекеттик коопсуздук кызматынан кабарлагандай, камалган жаран “жалданмачылык” беренеси боюнча издөөдө жүргөн. Ал 2015-жылы Сирияга барып, диверсиялык-террористтик атайын даярдыктан өтүп, Сирия өкмөтүнө каршы согушка катышкан.
Ал КМШ мамлекеттеринин биринде кылмышын жашыруу үчүн эмгек мигранты болуп жүргөн.
Учурда ал Жалал-Абад шаардык ички иштер башкармалыгынын убактылуу кармоочу жайына киргизилген. Учурда тергөө иштери жүрүп жатат.
Оставьте первый комментарий