Евразия экономикалык биримдигине мүчө мамлекеттеринин баарында керектөө баалары жана тарифтер жогорулап жатат. Бул тууралуу Улуттук статистика комитети билдирди.
Февраль айындагы көрсөткүч боюнча ЕАЭБ өлкөлөрүндө эң жогорку өсүш Беларусияда катталып, инфляция бир айда 1,9 пайызды түзгөн. Андан кийинки жогорку көрсөткүч Кыргызстанда байкалып, баалар 1,1 %га өстү.
Ал эми декабрь айына салыштырмалуу экономиканын керектөө секторундагы баалар Беларусияда 3,1 %га, эң төмөн Казахстанда 1,3 пайызга өстү. Ошондой эле, Арменияда азык-түлүк товарларга болгон баа, алкоголдук ичимдиктерди жана тамекилерди эсепке алуу менен 4,9 %га жана азык-түлүк эмес товарларга 2,7 пайызга жогорулады.
Статистикалык маалыматтар боюнча Кыргызстанда 2020-жылы 2019-жылга салыштырмалуу күнүмдүк керектүү азык-түлүк 17,6% кымбаттаган.
Оставьте первый комментарий