Коомдук ишмер Ассоль Молдокматова Баткен облусунан 138 баланы Ысык-Көлгө эс алууга алып барат. Бул тууралуу ал бүгүн, 13-майда Баткенде тургундар менен болгон жолугушууда билдиргенин өкмөттүн облустагы өкүлчүлүгү кабарлады.
Молдокматова бүгүн Баткенде кыргыз-тажик чек арасындагы куралдуу жаңжалда жабыркаган үй-бүлөлөрдүн балдары менен жолуккан.
«Ал балдар менен жакындан баарлашып, жалпы 138 балага 3000сомдон акчалай жардам көрсөттү»— деп айтылат маалыматта.
Ошондой эле, коомдук ишмер окуядан жабыр тарткан 138 баланы керектүү кийим кече менен камсыздап, 27-майда Ош аэропорту аркылуу Ысык-Көлгө, 10 күндүк эс алууга алып барууну убадалаган.
Оставьте первый комментарий