Коронавируска каршы күрөшүү боюнча штаб бүгүн, 10-июлда акыркы бир суткада COVID-19 жана пневмониянын лабороториялык тастыкталган 1 295 жаңы учуру катталганын кабарлады. Илдеттен 10 бейтап көз жумуп, 892 киши сакайды.
Коронавирус Бишкекте — 788, Ош шаарында — 51, Чүйдө — 160, Ош облусунда — 38, Таласта — 19, Нарында — 26, Ысык-Көлдө — 46, Жалал-Абадда — 64, Баткенде — 103 кишиден аныкталды.
Ошол эле учурда бир суткада Бишкекте — 6, Чүйдө — 2, Ошто — 2 бейтап көз жумду.
Ушуну менен Кыргызстан боюнча коронавирусту жуктургандардын жалпы саны 138 353ге жетти. Айыккандар — 117 250 адам. Каза болгондор 2093 киши.
Бүгүнкү күндө ооруканада 4 585 бейтап бар. Алардын 1310у оор, 198и өтө оор абалда жатат. Ал эми амбулатордук дарыланууда — 13 282 бейтап бар.
Оставьте первый комментарий