Кыргызстандын жогорку окуу жайларына чет өлкөдөн келип окуган студенттердин саны жыл сайын өсүп жатат. Өткөн жылы КМШ өлкөлөрүнөн эң көп Өзбекстандан 37 571 студент келген. Ал эми, көз карандысыз мамлекеттер шериктештигине кирбеген мамлекеттердин ичинен Индиядан келген студенттердин саны алдыда.
Улуттук статистика комитетинин маалыматында, Өзбекстандан келген студенттердин саны 2019-жылы 15 миңге жетип, кескин көбөйгөн. 2018-жылга чейин кошуна өлкөдөн болгону 2 миңдин тегерегинде студент келчү. Ал эми, Армения, Беларусия мамлекеттеринен келип окугандар дээрлик жокко эсе.
КМШ өлкөлөрүнөн тышкаркы мамлекеттерден 2020-жылы 19 529 студент келген. Алардын 12 миңден ашыгы Индия студенттери.
Ошондой эле, Пакистандан келген студенттердин саны жыл сайын көбөйүп жатат. Чет өлкөлөрдөн Кыргызстанга эң аз студент Непал, Грузия, Иран мамлекеттеринен келет.
Оставьте первый комментарий