Кайсы участоктордо добуштар кайра саналат? Тизме

Кыргызстанда парламенттик шайлоонун жыйынтыгын тактоо иши уланууда. Ага ылайык, Борбордук шайлоо комиссиясы 101 шайлоо участогунда добуштарды кайра санайт. Мындай чечим мекеменин 9-декабрындагы отурумунда кабыл алынды.

Алардын ичинен бешөө Ош облусунда,  үчөө Жалал-Абад облусунда, экөө Талас облусунда жана Чүй, Нарын, Ысык-Көл облустарында бирден. Жалпысынан добуштар 101 участокто кайрадан саналат. БШК бул округдар боюнча добуштарды кайра саноо 10-11-декабрда жүргүзүлөрүн билдирди. Ага партиялардын өкүлдөрү, байкоочулар жана журналисттер катыша алат.

Кыргызстанда 28-ноябрда парламенттик шайлоо өттү. БШКнын маалыматына караганда, добуш берүүгө укуктуу 3 миллиондон ашуун жарандын ичинен шайлоого келгендер 30% тегерегинде болду. Боршайком добуштарды 100% кол менен санап бүткөнүн  сайтына расмий жарыялады. Баштапкы жыйынтык боюнча мандаттардын 15и «Ата-Журтка», 12си «Ишенимге», 9у «Ынтымакка», жетөө «Альянска», алтоо «Бүтүн Кыргызстанга», бешөө «Ыйман Нуруна» тийет. Калган 36 мандатты бир мандаттуу округдардан өз алдынча шайланып келгендер алат.

Шайлоонун расмий жыйынтыгы 18-декабрга чейин чыгары айтылган.

Жаңы чакырылышка кайрадан депутат болгондор. 1-бөлүк

Автор Т-медиа 11133 статьи

Оставьте первый комментарий

Оставить комментарий

Ваш электронный адрес не будет опубликован.


*