Кыргызстанда кылкандуу дан эгиндерин чаап-жыйноо аяктады. Быйыл күндүн катуу ысышы жана суунун жетишсиздигинен түшүм былтыркыдан 29 пайызга аз бастырылды. Бул тууралуу улуттук статистика комитети билдирди.
Өлкөдө жалпы 577 миң гектар аянттан, 1,4 миллион тонна дан жыйналган. Анын ичинде буудайдын дүң жыйымы өткөн жылга караганда 42%га, арпа 46%га кыскарган.
Ошондой эле май өсүмдүктөрүнүн дүң жыйымы — 25,4%га, кант кызылчасы — 19%га, бакча өсүмдүктөрү — 14%га, мөмө-жемиш өсүмдүктөрү — 3,9%га төмөндөгөн.
Быйыл августта Чүй өрөөнүндөгү дыйкандар сугаттын начардыгы жана кургакчылыкка даттанышкан. Аймакта сугат суу тартыш болгондуктан, дыйкандар быйыл бедесин сугара алган эмес.
Оставьте первый комментарий