Мамлекеттик бажы кызматынын төрагасы Адилет Кубанычбеков коррупцияга шектелип кармалды. Бул тууралуу улуттук коопсуздук боюнча мамлекеттик комитетинен билдиришти.
Ал атайын кызмат тарабынан мамлекеттик бийлик органдарында, анын ичинде фискалдык жана контролдук-текшерүү органдарындагы коррупциялык көрүнүштөрдү аныктоо жана бөгөт коюу боюнча жүргүзүлгөн иштердин алкагында кармалган.
«Бажы кызматынын жетекчилери жана түзүмдүк бөлүмдөрүнүн жетекчилиги катышкан бажы кызматындагы ири коррупциялык иштер боюнча маалыматтар алынган. Алар товарларды импорттоого катышкан жеке компаниялардын кызыкчылыктарын колдоп, жеңилдетилген шарттар түзүлгөнү, бажылык тариздөө мыйзамды одоно бузуу менен жүргүзүлгөнү жана параларды системалуу түрдө алып туруу үчүн бажы башкаруусунан товарларды жашыруунун схемалары колдонулганы белгилүү болгон«, — деп айтылат атайын кызмат тараткан маалыматта.
Мындан тышкары, Бажы кызматынын жетекчилиги мамлекеттин кызыкчылыгына жашынып жеке баюу максатында, Тышкы экономикалык ишмердиктин субъекттери үчүн туунду компаниялар көрсөткөн бажы кызматтарынын баасын негизсиз ашыра баалап тургандыгы да аныкталган.
Аталган фактылар боюнча бүгүн, 17-январда Кылмыш-жаза кодексинин 336-беренесинин 1-бөлүмү (Коррупция) менен кылмыш иши козголгон.
Төрага Кубанычбеков УКМК тергөө камак жайынын убактылуу кармоочу жайына киргизилген.
Оставьте первый комментарий