Ош – Исфана унаа жолу 2023-жылы толук пайдаланууга берилиши керек. Бул тууралуу “Ишеним” фракциясынан депутат Эмилбек Жусупов “Парламент” радиосуна берген маегинде айтканын Жогорку Кеңештин маалымат кызмат билдирди.
Парламенттин «Ишеним» жана «Ынтымак» парламенттик фракциясынын депутаттары 3 — февралда Ноокат районунда көчмө жыйын өткөргөн. Анда Баткен — Ош — Бишкек батыгын байланыштырган жолдун абалын көрүп келишкен.
Жолдун Ноокат районуна туш келген тарабы тургундарды кабатыр кылып жаткандыктан, Жусуповдун Транспорт министрлигине кат жолдогон. Мекеме депутатка унаа жолу 2023-жылы пайдаланууга берилишин билдирген.
«Япониянын JICA эл аралык кызматташтык агенттиги менен 2015 – жылдын 26 – октябрында кол коюлган келишим боюнча аталган каттамдагы жол 2018 – жылы башталып, 2023 – жылы толук пайдаланууга берилет, — деп көрсөтүлүптүр” – деген депутат.
Ош – Исфана жолунун курулушу 2018-жылы башталган. Өлкөдө пандемия башталган убакта иш токтоп калган. Быйыл жумуш кайрадан улантылганы жатат.
Оставьте первый комментарий