Абдил Сегизбаев 4 млн сом төлөп, үй камагына чыкты

Улуттук коопсуздук боюнча мамлекеттик комитеттин мурдагы жетекчиси Абдил Сегизбаев үй камагына чыгарылды. Бул туурлуу 2-мартта Биринчи май райондук сотунун маалымат кызматы билдирди.

Сегизбаев Кылмыш кодексинин 337-беренеси («Кызмат абалын кыянаттык менен пайдалануу») 4-бөлүгү менен күнөөлүү деп табылган.

«Кечээ, 1-апрелде сот аны күнөөлүү деп таап, 4 миллион сомдук жаза аныкталган. Өкүм мыйзамдуу түрдө күчүнө киргиче, эки жакка чыкпоо шарты менен баш коргоо чарасын өзгөртүштү», — деп айтты райондук соттон.

УКМК азырынча комментарий бере элек.

Буга чейин Башкы прокуратура Абдил Сегизбаевге карата алты иш тергелип жатканын маалымдаган. Алар: «Белизгейт» окуясы, кызматтык батирлер, энчилүү куралдар менен сыйлоо, жер тилкелери, бюджеттик акчаларды бөлүштүрүү.

Сегизбаев 2021-жылы президенттикке талапкер болгон. Ал президенттик шайлоо учурунда атаандашы, учурдагы президент Садыр Жапаровду кескин сынга алып, аны бозгун президент Курманбек Бакиев менен «тыгыз байланышта» деп билдирген. Сегизбаев КТРКнын түз эфиринен Максим Бакиев кендерди кантип сатып, акчалардын изин кантип жашырганын айтып берген.

Шайлоодон эки жума өткөндөн кийин, 25-январда кармалган.