Кыргызстанда сейрек кездешкен жана жоголуп бара жаткан жаныбарлар Кызыл китепке киргизилип коргоого алынган. Аларга аңчылык кылууга жана зыян келтирүүгө болбойт. Мындай жаныбар жана канаттууларды аткан жарандарга миллион сомго чейин айып пул салынышы мүмкүн. «Т-Медиа» кызыл китепке кирген жаныбарлардын кайсынысына айып өлчөмү эң көп экенин тизмектеп көрдү.

Сейрек кездешүүчү жаныбарларга аңчылык кылгандар үчүн айып өлчөмү 2020-жылы жаңыланган. Токтом боюнча эң көп айып пул Илбирс аткандарга салынат. Алар 1 жарым миллион сом төлөөгө мажбур болот.

Кыргызстанда Кызыл китеп эң алгач 1985-жылы түзүлгөн. Анын тизмеси 21 жыл боюу жаңыланбай туруп, 2006-жылы гана экинчи жолу басылып чыккан. Учурда өлкөдө эң коргоодогу жаныбар Ак илбирс.