УКМК: «Хизб ут-Тахрир» уюмунун Кызыл-Кыядагы алты мүчөсү соттолду

«Хизб ут-Тахрир» диний-экстремисттик уюмунун алты мүчөсү 1,6 жылдан алты жылга чейин  эркинен ажыратылды. Мындай өкүмдү Баткендин Кызыл-Кыя шаардык соту 5-июлда чыгарганын УКМКнын басма сөз кызматы билдирди. 

Маалыматка караганда, соттолгондор 38, 27, 31, 46 жана 29 жашта. Алар экстремисттик уюмга тартуу, үгүттөө менен алектенишкен. Ыкчам-иликтөө иш-чараларынын жүрүшүндө тыюу салынган көп сандагы экстремисттик адабияттар жана электрондук маалымат каражаттары табылган.

«Хизб-ут-Тахрир» — Кыргызстанда тыюу салынган диний уюмдардын бири. Бул уюм соттун чечими менен диний-экстремисттик уюм деп 2003-жылы таанылган жана анын өлкө аймагында иш жүргүзүшүнө тыюу салынган.

Автор Т-медиа 10570 статей

Оставьте первый комментарий

Оставить комментарий

Ваш электронный адрес не будет опубликован.


*