11-октябрда Кыргызстан Бириккен Улуттар Уюмунун Адам укуктары кеңешине мүчө болуп шайланды. Анда Кыргызстанды колдоп 126 өлкө добуш берген. Бул тууралуу Тышкы иштер министрлиги билдирди.
«Кыргызстандын Адам укугу боюнча кеңешине тандалышы боюнча тапшырма Садыр Жапаровдун көзөмөлүндө болчу. Мамлекет башчы БУУнун трибунасында, аталган уюмдун ассамблеясынын 77-сессиясынын жалпы дебаттарында дүйнөлүк коомчулукту өлкөнү колдоого чакырган. Кыргызстандын мындай абройлуу эл аралык органга тандалышы дүйнөлүк коомчулуктун өлкөнүн адам укуктарын коргоо боюнча салымын тааныганынан кабар берет», — дейт ТИМ.
The United Nations🇺🇳 General Assembly has elected #Kyrgyzstan🇰🇬 as a member of the #HumanRights Council for the term 2023-2025 ➡️https://t.co/TAZ7ROnFhk pic.twitter.com/BEUP0VSUZk
— UN Human Rights Council (@UN_HRC) October 11, 2022
Маалыматка караганда, Азиялык топтон аталган кеңештин мүчөлүгүнө төрт орун үчүн Кыргызстан, Афганистан, Бангладеш, Вьетнам, Мальдив жана Түштүк Корея ат салышкан.
Адам укуктары кеңешине 47 мамлекет мүчө. Алар түздөн түз жана Башкы ассамблеяда жашыруун добуш берүү аркылуу тандалып, үч жылга шайланат. Кыргызстан өз милдетине 2023-жылдын 1-январынан киришип, 2025-жылы жыйынтыктайт.
Оставьте первый комментарий