Евразия экономикалык биримдигине (ЕАЭБ) мүчө өлкөлөрдүн башчыларынын кезектеги саммити 9-декабрда Бишкекте өткөнү жатат. Быйыл уюмга Кыргызстан төрагалык кылууда.
Саммиттин күн тартиби жана катышуучулары тууралуу азырынча расмий маалымат бериле элек.
ЕАЭБге Кыргызстандан тышкары Армения, Беларус, Казакстан жана Орусия мүчө. Орусиялык журналисттер саммитке орус президенти Владимир Путин баштаган делегация катышарын жазып жатышат. Бул уюм ортодогу бажы тоскоолдуктарын жоюу, элди жана товарларды эркин өткөрүү максатында уюшулган.
Бирок ортодогу экономикалык тоскоолдуктар жоюлбай, ишкерлер өндүргөн продукциясын уюмдун ичиндеги өлкөлөргө жеткирүүдө кыйынчылыкка дуушар болуп келатканын айтып жүрүшөт.
Айрым саясат талдоочулар ЕАЭБ Орусиянын аймактагы геосаясий кызыкчылыгын коргоо максатында гана түзүлгөн уюм деп атап келишет. Кыргыз парламентинде андан чыгуу сунуштары бир нече жолу айтылган.
Оставьте первый комментарий