Түркиянын Анталия шаарында олимпиадада Кыргызстандан барган Даун синдрому бар балдар 5 байге утту. Бул тууралуу «Сантерра-Юг» борбору билдирди.
Кыргызстандан өзгөчө балдар биринчи жолу чет өлкөдө олимпиадага катышып жатат. Чемпионатта алар жеңил атлетика боюнча 2 алтын, 2 күмүш, 1 коло байгени багындырды.
Олимпиада 4-декабрда башталып, ага Кыргызстандан 5 бала барган. Андан сырткары чемпионатка түрк тилдүү Азербайжан, Казакстан, Өзбекстан жана Түркия өлкөлөрүнөн майыптуулугу бар, бирок менталдык жактан өзгөчөлөнгөн балдар катышууда.
Оставьте первый комментарий