Тоолуу райондордо 3-январдан 5-январга чейин күтүлүп жаткан жаан чачынга байланыштуу кар көчкү түшүүсү мүмкүн. Бул тууралуу Өзгөчө кырдаалдар министрлиги 2-январда билдирди.
Жол тайгак болуп, муз тоңот. Мындан улам, унаалар ортосундагы 500 метр аралык кыймыл чектелиши керек. Ошондой эле, төмөнкү унаа жолдорунда кар күрткү ыктымалдуулугу бар:
- «Мырза-Аке — Кара-Кулжа — Алайкуу» автоунаа жолунун 55-107 чакырымдары;
- «Ала-Бука — Каныш-Кыя» автоунаа жолунун 68-101 чакырымдары (Чапчыма ашуусу);
- «Красная-Горка — Акташ» автоунаа жолунун 1-4 чакырымдары.
Эгер кырсык катталса 112 номерине байланышуу керек.
Оставьте первый комментарий