Ички иштер министрлиги кызматкерлерден пара алууга шектелген жетекчилер камакка алынганын билдирди.
Маалыматка ылайык, Күзѳт кызматынын Таш-Кѳмүр шаардык күзѳт бѳлүмчѳсүнүн башчысы Н. С. менен взвод командиринин орун басары С. Т. экѳѳ ѳздүк курамдан системалуу түрдѳ опузалап акча алып жүрүшкөндүгү аныкталган.
Таш-Кѳмүр шаардык күзѳт бѳлүмчѳсүнүн бир катар кызматкерлери бул фактыны тастыкташкан. ИИМдин Тергѳѳ кызматы 342-берене (пара алуу) менен кылмыш иши козголуп, тергөө амалдары башталган.
Алар Бишкек шаардык милициясынын убактылуу кармоочу жайына киргизилген.
Оставьте первый комментарий