Кыргыз – Өзбек бизнес форумунда 168 миллион долларлык 11 документке кол коюлду

Бишкекте өткөрүлгөн «Кыргыз – Өзбек» бизнес форумунда 168 миллион долларлык 11 документке кол коюлду.  Бул тууралуу Министрлер кабинетинин маалымат кызматы билдирди.

Документтер Кыргызстан менен Өзбекстан ортосундагы соода-экономикалык жана инвестициялык кызматташтыкты кеңейтүүгө багытталган. Алар:

• Агроөнөр жай комплекси тармагында кызматташуу боюнча “Жол картасы”;
• Суммасы 30 млн долларлык Жалал-Абад облусунда текстиль өндүрүшүн түзүү боюнча кызматташуу жөнүндө макулдашуу;
• Суммасы 8 млн долларлык булгаары өндүрүү жана кайра иштетүү боюнча кызматташуу, Нарын облусунда картошка өстүрүү боюнча айыл чарба кластерин уюштуруу жөнүндө меморандум;
• Чоң-Алайда картошка өндүрүү боюнча кластер, мал чарба комплексин түзүү боюнча кызматташуу жөнүндө макулдашуу;
• Суммасы 20 млн долларлык инвестициялык курулуш долбоорунун алкагында биргелешкен өнөктөштүк жөнүндө Кыргызстанда кальций карбидин өндүрүү боюнча комплексин куруу меморандум;
• Суммасы 100 млн долларлык Өзбекстанга Кыргызстандан жүгөрү данын жеткирүүгө келишим;
• “ТНК” Дастан” ААК менен “Тошэлектроаппарат” ортосунда Кыргызстанда электр энергиясын эсептөө приборлорун чогултууну уюштуруу боюнча өз ара түшүнүшүү жана кызматташтык жөнүндө меморандум;
• Базальт ташын кайра иштетүүчү заводун куруу боюнча меморандум;
• Өзбек-Кыргыз өнүктүрүү фонду менен “Узавтосаноат” акционердик коому ортосунда компаниянын продукциясын Кыргызстанда сатуу боюнча кызматташуу меморандум;
• Өзбек-Кыргыз өнүктүрүү фонду менен “UzXCMG” ЖЧК ортосунда компаниянын продукциясын Кыргызстанда сатуу боюнча кызматташуу меморандум;
• Суммасы 10 млн долларлык Кыргызстандан Өзбекстанга айыл чарба продукциясын жана малды жеткирүү келишим.

Өзбекстандын президенти Шавхат Мирзиёевдин 26-январда иш сапары менен Бишкекке келген. Бүгүн эки өлкөнүн делегацияларынын катышуусунда «Кыргызстан – Өзбекстан» бизнес-форуму өттү. Бул жолугушууда бир катар документтерге кол коюлары айтылган.