Кара-Суу районунун Нариман айыл аймагында ок атуучу куралдан 2 жаран жараат алып ооруканага түштү. Милиция шектүүлөрдү издеп жатат.
Маалыматка караганда, 27-январь саат 19:15 чамасында, жабырануучулардын үйүнө жашы 30-35 чамасындагы белгисиз жарандар барган. Турак жайдан жабырлануучулар өзүнүн унаасын айдап чыгып баратканда аларга ок чыгарышкан.
«Шектүүлөр куралчан, үстүндө камуфляж формасы болгон. “Мересед-Бенц-Вито” үлгүсүндөгү автоуна менен үйдүн короосуна киришкен» — деп айтылат милициянын маалыматында.
Натыйжада октон 32 жаштагы жаран ич тарабына, 21 жаштагы жаран бутуна жараат алган.
Фактыга Кылмыш-Жаза Кодексинин 207-беренеси каракчылык боюнча иш козголду. Милиция ошол эле күнү, саат 23:21 чамасында шектүүлөрдүн унаасын тапкан.
Оставьте первый комментарий