Уурдалган кыргызстандык жаран Өзбекстандан табылды. Ага шектүү катары Наманган облусунун 2 тургуну кармалганын УКМКдан билдиришти.
Атайын кызмат коңшу өлкөдөгү кесиптештери менен биргеликте жүргүзгөн иштердин натыйжасында, шектүүлөр Өзбекстандын МККнын убактылуу кармоочу жайына киргизилген.
«2023-жылдын 28-февралында О.С.Т. аттуу кыргызстандык белгисиз бирөөлөр тарабынан Өзбекстандын аймагына О.Т.Т. аттуу агасын уурдап кетишкенин айтып кайрылган. 2022-жылдын 23-октябрында алдоо жолу менен Ала-Бука районунун аймагында жайгашкан «Баймак» өткөрмө пункту аркылуу алып өтүшкөн. Ал адамды барымтага беш ай кармап, аны бошотуу үчүн жакын туугандарынан 50 миң АКШ доллары өлчөмүндө акча талап кылышкан», — деп айтылат маалыматта.
Ушул жылдын 7-мартында уурдалган О.Т.Т. Кыргызстанга алынып келинип, жакын туугандарына өткөрүлүп берилген.
Оставьте первый комментарий