Бүгүн, 18-мартта Ош шаарында жалпы республикалык ишембилик өткөрүлүп, ага 15 миңден ашык адам катышты. «Ош-Тазалык» ишканасы шаардан 2200 куб таштанды чыгарган.
Ишембиликке шаардагы бардык мекеме-ишканалардын кызматкерлери жана калаа тургундары катышты. Алар өздөрүнө бекитилген жерлердин таштанды, арыктарын тазалашкан. Мындан тышкары көчөт отургузулуп, бак-дарактарды актап-сырдалган. Шаардыктар сейил бактардын жана скверлердин аймагын да иретке келтиришкен.
Билим берүү мекемелеринде болсо 900 түп декоративдүү жана мөмө-жемиш дарактарынын көчөттөрү, 10 миң түп гүл отургузулду.
Бүгүн Кыргызстандын бардык аймагында ишембилик өтүүдө.
Оставьте первый комментарий