«Манас» эл аралык аэропорту учактардын ар бирин 6 миллион доллардан сатып алганын мекеменин директору Манасбек Самидинов 19-сентябрда «Кабар» агенттигинде өткөн маалымат жыйында билдирди.
Анын айтымында сатылып алынган учактар 2013-жылы чыгарылган.
«Бир учактын баасы 6 миллион доллардын тегергинде турат. Булар авацияда жакшы делген самолет. Биз колдонуп жүргөн учактардын көпчүлүгү 80-90 жылдагылар»,-деди ал.
Эске салсак: өткөн аптада «Манас» эл аралык аэропорту алгачкы ирет Канададан өз каражатына эки учак сатып алганын маалымдаган. Алар 2024-жылдын май айында Кыргызстанга жеткирилет. Ага чейин аларды Кыргызстандын мыйзамдарына жана жарандык авиация талаптарына ылайык модификациялоо иштери жүргүзүлөт.
Сатылып алынган учактар Dash-8-400 үлгүсүндө, 80 адамга ылайыкташкан.
«Манас» эл аралык аэропортуна Кыргызстандын аймагындагы 11 аэропорт карайт. Алардын бешөө эл аралык, калган алтоо аймактык макамга ээ.
Оставьте первый комментарий