Борбордук шайлоо комиссиясынын автоматтык эсептөө системасындагы маалыматтарга ылайык, Ош шаардык кеңешине шайлоодо ат салышкан беш партия тең 5% босого чектен өттү. Ал эми Бишкекте алты партиянын бешөө жеңишке жетти. 

БШК жалпы 4 миллион 135 миң шайлоочунун 1 миллион 150 миң 931и (27,83%) добуш бергенин билдирди. 

Кыргызстанда 17-ноябрда жергиликтүү кеңештерге шайлоо 33 шаарда жана 231 айылдык кеңеште өттү. Жалпы шаардык кеңештердеги миңдей мандат үчүн беш миңдей талапкер ат салышты. 231 айылдык кеңештин депутаттыгына 10 миңдей жаран талапкерлигин койгон.