Эми өлкөдөгү жогорку окуу жайлар окуу акысын өз алдынча көтөрө алат. Быйыл президенттин тарифти көтөрүүгө тыюу салган чечими жокко чыкты. 

"Т-Медиага" Билим берүү министрлигинен билдиргендей ЖОЖдор окуу акысын өздөрү аныктап, Монополияга каршы жөнгө салуу кызматынын көзөмөлүнөн өткөрүшөт.

Биздин редакцияга Оштогу айрым студенттер алардын окуу акысы дээрлик 30 пайызга жогорулаганын билдирген. 

2021-жылы пандемия учурунда президент окуу акысын жогорулатууга тыюу салган жарлык чыгарган. Анын негизинде жогорку жана орто кесиптик окуу жайларда тарифтер үч окуу жылында көтөрүлбөй турган болгон.