Кара-Суу районунун Отуз-Адыр аймагындагы Зымырык шайлоо участкасында урна иштебей, беш саат эч ким добуш бере алган эмес. Бул маалыматты "Т-Медиага" Борбордук шайлоо комиссиясынын райондогу атайын өкүлү Эрлан Алдыраков тастыктады. 

“Саат 13:30да ишке кирди. Бир күн мурда текшергенбиз. Иштеген баары жайында болгон. Эми техникада не болгонун билбейбиз. Учурда иштеп жатат, шайлоочулар өтүүдө”- дейт Эрлан Алдыраков. 

Бүгүн Кыргызстанда жергиликтүү кеңештерге шайлоо өтүп жатат. Добуш берүү саат 8:00дө башталган. Кечки саат 20:00дө жыйынтыкталат. Кара-Суу районунда саат 16:00гө чейин шайоочулардын 17%ы добуш берди.

Шайлоо 33 шаарда жана 231 айылдык кеңештерде өтүүдө. Жалпы шаардык кеңештердеги миңдей мандат үчүн беш миңдей талапкер ат салышууда. 231 айылдык кеңештин депутаттыгына 10 миңдей жаран талапкерлигин койгон.