Ош шаарындагы Султан Ибраимов атындагы улутттук драма театрында "Айтматовдун ааламы" аталышындагы  театралдык композиция коюлуп жатат. Кыргыздын залкар жазуучусу Чыңгыз Айтматовдун 95 жылдыгына арналган иш чара 9-ноябрда башталган.

Аталаган театралдык композицияда жазуучунун чыгармаларынан көрүнүштөр топтоштурулуп, коюлууда. Чыгарманы 30га жакын актёр, актрисалар аткарат. Театралдык композициянын режиссер-коюучусу - Кыргыз Республикасынын Эл артисти Талантбек Апыев.

Чыңгыз Айтматов 2008-жылы 80 жаш курагында дүйнө салган. Анын сөөгү "Ата-Бейитке", атасы Төрөкул Айтматов жана советтик репрессиянын башка курмандыктары көмүлгөн жерге коюлган.