Ош шаарынын 8-март көчөсүндө жайгашкан "Ифтар базар" деген атка конгон соода орундары санитардык талаптарга жооп бербегендиктен жабылды. Бул тууралуу "Т-Медиага" Ош мэриясынын муниципалдык менчик башкармалыгынын башчысынын орун басары Дастан Мурзалиев билдирди.

"Базардын эч кандай юридикалык документти жок. Алар өз билемдик менен тез бузулуучу тамаш-аштарды автоунаалар жүрүүчү жолдун боюна, тротуарга тизип, санитардик нормаларды бузушууда. Ошондой эле шаар ичинде жол тыгынын пайда кылышкан. Мындан улам базарды 14-мартта жаптык", -деди ал.

Базар жыл сайын орозо маалында иштейт. Күн сайын кечке жуук ооз ачарга жакын ачылган базарда жашылча-жемиштен тартып ысык тамактын бардык түрүнө чейин сатылат. 

Жергиликтүү бийлик базарды ар жылы жабат. Бирок сатуучулар кайра эле чыгып соодасын жүргүзө берет.