Аба-ырайы кескин өзгөрүп кеткенине байланыштуу 28-октябрга караган түнү "Сосновка" постунда жүк ташуучу унаалардын өтүүсүнө чектөө киргизилди. Бул тууралуу Жол кыймылынын коопсуздугун камсыздоо башкы башкармалыгынын басма сөз кызматы билдирди. 

Мекеменин маалыматына караганда, ушу тапта Төө-Ашууда туман болуп, кар жаап жатат. Чектөө Бишкек - Ош унаа жолунун бул тилкесинде тыгындарды алдын алуу максатында түндө киргизилген. Ал аба ырайы жана климаттык шарттар жакшырганда алып салынат.

Башкармалык Бишкек - Ош унаа жолунда жүрүүдө айдоочуларга баардык коопсуздукту жана жол эрежелерди так сактоого, унаалардын дөңгөлөктөрүн кышкыга которууга чакырат.