Түркиянын Анкара шаарында 23-октябрдагы терракттан каза болгондор жана жабыркагандардын арасында кыргызстандыктар жок. Бул тууралуу Тышкы иштер министрлиги билдирди.

ТИМдин маалыматында, Кыргызстандын элчилиги Түркиянын компетенттүү органдарынан расмий маалымат алган. 

Кечээ, Анкарадагы аскердик учактар менен космостук жабдууларын чыгарган TUSAŞ корпорациясынын имаратында теракт болуп,  үч адам каза таап, 14 киши жаракат алган. Кол салгандардын да экөө өлтүрүлгөнү айтылып жатат. 

Муну Түркиянын бийлиги терракт деп атады. 

TUSAŞ компаниясынын башкы кеңсеси борбор калаа Анкарадан 40 чакырым түндүк тараптагы Кахраманказан аймагында жайгашкан.